Thursday, July 12, 2018

నా మనసు (కవిత)


నిన్ను చూసిన పూట
నా మనసులో మెదిలిన మాట
నీకు చెప్పాలంటే
మాట తడబడుతుంది కానీ
నా మనసు నీ కోసం కలవరబడుతుంది !!!

Ninnu chusina puta
Naa mansulo medicine mata
Neeku cheppalante
Mata tadabadutundi kani
Naa Manasu nee kosam kalavarabadutundi !!!

Monday, July 9, 2018

టెక్నాలజీ మనలో ఉన్న బద్దకాన్ని పెంచుతుందా ?



ఈ ప్రశ్నకు సమాధానం మనం రోజూ చేసే పనిలోనే మనకు అర్థం అవుతుంది ఇదివరకు పని చేయటానికి చాలా శ్రమ పడవలసి వచ్చేది కానీ నేడు ప్రతి పనికి టెక్నాలజీ పుణ్యమా అని మనిషి మరింత బద్దకాన్ని పెంచుతుంది
ఉదాహరణకు : బట్టలు ఇదివరకు చేతితో ఉతికేవారు కానీ నేడు వాషింగ్ మెషిన్ వాడుతున్నారు
                      పొయ్యి మీద వంట చేసే వారు నేడు గ్యాస్ స్టవ్, electrive స్టవ్ ఇలా చెప్పుకుంటా పోతే చాలానే ఉన్నాయి ఇవి మన శారీరక శ్రమను తగ్గించవచ్చు కానీ దీని వల్ల మనిషిలో ఉన్న బద్దకం మరింత పెరుగుతుంది అనటంలో ఎలాంటి సందేహం లేదు


మనిషికి శారీరక శ్రమ లేకపోవటం వల్లనే త్వరగా అనారోగ్యాలు పాలు అవ్వటం అనేది జగమెరిగిన సత్యం టెక్నాలజీ తెచ్చిన సౌకర్యాలు వల్ల మనిషి మరింత బద్ధకంగా తయారు అవుతున్నాడు ఏదైనా కొనటానికి అయిన సరే మనిషి ఆన్లైన్ లో ఆర్డర్ చేస్తున్నాడు టెక్నాలజీ అభివృద్ధి చెందటంలో తప్పు లేదు కానీ ఆ టెక్నాలజీ తో వచ్చే సౌకర్యాలకు మానవుడు బాగా అలవాటు పడిపోతున్నాడు !!!

Sunday, July 8, 2018

తొలకరి చిరుజల్లు !!!


తొలకరి చిరుజల్లులో
మేను పులకరింపుగా
 సదా నీ పలకరింపుకి
ఎదురుచూస్తుంటుంది
             నా మది !!!

Tolakari chirujallulo
Menu palakarimpaga
Sada nee palakarimpuki
Eduruchustuntundi
       Naa madi !!!

Friday, July 6, 2018

మన ప్రేమ (కవిత)


నా మనసులో నీ రూపం చిరకాలం
నా  ప్రతి మాటలో  నీ పేరు నాకిష్టం
నిన్ను చూసే ప్రతి క్షణం నాకు వరం
నీ కోసం ఎదురు చూడటంలో కూడా
   ఎంత హాయ్ ఉందొ నిన్ను కలిసాకే తెలిసింది
 నేను నీతో గడిపే ప్రతి నిమిషం
   మన ప్రేమకు అంకితం !!!


Naa manasulo nee rupam chirakalam
 Naa prati matalo nee peru  naa kishtam
Ninnu chuse prati kshanam naku varam
Nee kosam eduru chudatamlo kudaa
  Enta hai undo ninnu kalisake telisindi
Nenu neeto gadipe prati nimisham
   Mana premaku ankitam !!!!

Wednesday, July 4, 2018

ఓ మనిషి ఎక్కడుంది నీ మనసు ?


         ఓ మనిషి !!!
సంతోషం ఎక్కడుంది
      మనలోన, మనసులోన
సంతృప్తి ఎక్కడుంది
   ఇవ్వటంలోన, తీసుకోవటంలోన
సాయం ఎక్కడుంది
  కోరడంలోన, ఇవ్వటంలోన
బంధం ఎక్కడుంది
  నిలుపుకోవటంలోన, వదులుకోవటంలోన
 
ఎటువైపు నీ పరుగు
    ఎక్కడికి నీ ఉరుకు !!!
 
   
      

Tuesday, July 3, 2018

అదిగో దెయ్యం ( కథ )


సమయం రాత్రి 11.30 దాటుతుంది తన సైకిల్ పై బయలుదేరి వెళ్ళాడు ప్రకాశం తాను ఫ్యాక్టరీ లో లేబర్ గా పనిచేస్తున్నాడు కొంచెం దూరం వెళ్ళాక అంతా నిర్మానుష్యంగా ఉంది ఎవరు కనిపించడంలేదు  వీధి లైట్ లు కూడా వెలుగు లేదు తన చేతిలోని టార్చ్ లైట్ సహాయం తో ముందుకు వెళ్తున్నాడు
      కొంచెం దూరం వెళ్ళాక ఎవరో వ్యక్తి లాగా ఒక ఆకారం కనిపిస్తుంది కానీ స్పష్టంగా కనిపించటం లేదు  అలాగే భయం,భయంగా వెళ్తున్నాడు ఒక్కసారిగా ఒక వెలుగు కనిపించింది అంతే వెంటనే స్పృహ తప్పి పడిపోయాడు ప్రకాశం
      కళ్ళు తెరిచి చూస్తే హాస్పిటల్ లో ఉన్నాడు పక్కన ప్రకాశం స్నేహితుడు రమేష్ ఉన్నాడు " ఏమైంది రా అక్కడ పడి యున్నావు అని అడిగాడు "
నేను ఎప్పటి మామూలుగానే డ్యూటీ ముగించుకుని ఇంటికి బయలుదేరి వెళ్ళాను కొంచెం దూరం వెళ్లిన తరువాత అంతా చీకటిగా ఉంది అక్కడ ఏదో ఆకారం లాగా కనిపించింది నేను బయపడుతూనే వెళ్ళాను అక్కడ ఏదో వెలుతురు లాగా వచ్చింది ఆ తరువాత నాకు ఏమైందో అర్తం కాలేదు అని చెప్పాడు
సరే రేపు మనిద్దరం కలిసి అక్కడికి వెళ్దాం అని చెప్పి అక్కడినుండి వెళ్ళిపోయాడు రమేష్
   ఆ తరువాత రోజు ఇద్దరు కలిసి వెళ్లారు అక్కడికి అదే సమయానికి వెళ్లి అక్కడికి చుట్టూ చూసారు కానీ ఎక్కడకనిపించలేదు సరే అని చెప్పి తిరిగి వెనుకకు వెళ్తున్నారు ఇంతలో ఎదో అలికిడి వినిపించింది అటుగా చూసారు వారిద్దరూ మరలా అలాగే ఆకారం కనిపించింది
   ఇక ఇద్దరు ఒకేసారి అలాగే ఉండిపోయారు కాసేపటికి ఆ ఆకారం వారి దగ్గరకు వస్తుంది ఇక మరు నిమిషం ఆలోచించకుండా ఇద్దరు పరుగు అందుకున్నారు
     ఆ మరుసటి రోజు ఉదయం ఆ ప్రదేశానికి వెళ్లారు వీరిద్దరికి అక్కడి కొంచెం దూరంలో ప్రకాశం పనిచేసే ఫ్యాక్టరీ మరొక వ్యక్తి ఇల్లు ఉంది అతని పేరు సింహచలం
అతను నెల ముందే ఫ్యాక్టరీలో ప్రమాదం శాత్తూ మరణించాడు
   సరే ఒకసారి అతని ఇంటికి వెళ్దాంఅనుకుని వెళ్లారు
ఇంట్లో సింహచలం భార్య ఉంది ఇంటిలోకి రమ్మని పిలిచింది ఆవిడ
మా ఆయన చనిపోక ముందు రోజు తాను పని చేసే ఫ్యాక్టరీలో అవకతవకలు జరుగుతున్నాయని అవి గ్రహించి తన యజమానులు దృష్టికి తీసుకెళ్తానని చెప్పాడు
అంతలోనే ఇలా అయిపోయింది అని చెప్పి ఏడ్చింది వాళ్ళవిడ సరే అని అక్కడినుండి బయలుదేరి వెళ్లిపోయారు
ఎప్పటి మామూలుగానే డ్యూటీకి బయలుదేరి వెళ్ళాడు ఇంతలో superviser హడావుడిగా ఎదో ఫోన్ వస్తే బయటికి వెళ్ళాడు
ప్రకాశంకి అనుమానం వచ్చి వెంబడించాడు అతని మాటల్లో సింహ చలం చంపిన విషయం వచ్చింది తన మొబైల్ తీసుకుని అంతా రికార్డ్ చేసి police స్టేషన్ లో complaint  ఇచ్చాడు
పోలీస్లు ఆ సాక్ష్యంతో అతనిని అరెస్ట్ చేశారు అతనిని విచారించగా సింహచలం నేనె చంపానని ఒప్పుకున్నాడు

నేను ఇక్కడ తయారయ్యే ముడి సరుకు కొద్దిగా బయటకు అమ్ముకునేవాన్ని ఆ విషయం చాలామందికి తెలుసు కానీ ఎవరూ యజమానులకు చెప్పే ధైర్యం చేసేవారు కాదు సింహ చలం చెబుతానని బెదిరించాడు అందుకే అతనిని చంప వలసి వచ్చింది అని చెప్పాడు superviser

అప్పటి నుండి ప్రకాశంకి మరలా ఆ ఆకారం ఎప్పుడు కనిపించలేదు బహుశా ఆ ఆత్మ సింహ చలం అయి ఉంటాది అని అనుకున్నాడు ప్రకాశం.

Monday, July 2, 2018

పంచుకోవటంలొనే జీవితం ఉంది ?



పంచుకోవటంలోనే జీవితం ఉంది
     సంతోషమైన, బాధైనా
పంచుకోవటంలోనే ఆనందం ఉంది
      బరువైన, బాధ్యతయిన
పంచుకోవటంలోనే ప్రేమ ఉంది
     అభిమానమైన, అనురాగమైన
పంచుకోవటంలోనే స్నేహం ఉంది
     బాసటగానైనా, భరోసాగానైనా
పంచుకోవటం అంటే మనకు నచ్చినది
        మనసుకు నచ్చిన వారికి ఇచ్చేది !!!

నా మనసు (కవిత)

నిన్ను చూసిన పూట నా మనసులో మెదిలిన మాట నీకు చెప్పాలంటే మాట తడబడుతుంది కానీ నా మనసు నీ కోసం కలవరబడుతుంది !!! Ninnu chusina puta Na...